Maxamed dheere oo heshiis siyaasadeed la galay Cabdulahi Yusuf,dibna u doonayo Xildhibaanadiisii.

October 14, 2007 at 4:17 pm | Posted in siyasada somalia | 2 Comments

Gudoomiyaha gobolka Banaadir ahna duq magaalaha Muqdisho Maxamed Cumar Xabeeb oo loo yaqaan Maxamed dheere ayaa markii ugu horeysay heshiis siyaasadeed la saxiixday Cabdulahi Yusuf Axmed ka gadaal markii ay Madaxtooyadda Baydhabo ku qaateen shir socday afar saacadood oo albaabada u xirnaa.

Madaxweyne Yusuf ayaa Maxamed dheere si cad ugu bandhigay qorshe siyaasadeedkiisa uu ku damacsan yahay inuu xilka kaga qaado Ra’isulwasaarre Cali Maxamed Geeddi,wuxuuna sidoo kale u sheegay masuulka uu la doonayo jagada uu hayo Proffeser Geeddi,sida ay Waagacusub u sheegeen hoowlwadeenada xafiisyada labada masuul .

mohamed_dheere_iyo_ali_geeddi.jpg

“Cali Geeddi anigu ma aqoon balan iyo heshiis aan kula galay musharaxnimadeeydii Madaxweyne ee ahayd inaad leedahay xilka Ra’isulwasaarenimada ayaan tixraacay oo kaga dhigay Ra’isulwasaarre markaan isla ogolaanay inaan labadeena hadii aan dowlada hogaankeeda noqono nala aqbali Karin,adiga ayaa ii keentay oo kursigaadii baarlamaanka u baneeyay,sedex sanadoodna waad aragtaa inuu Xukumadii ka dhigay NGO,sidaas daraadeed ayaan kuugu yeeray si aan kuu ogeysiiyo inuu shaqadii Xukumada gudan waayay,waqtigiina ka dhamaaday”ayuu yiri Cabdulahi Yusuf oo Maxamed dheere kula hadlayay kulan ay ku yeesheen Baydhabo.

Sida ay Waagacusub u sheegeen ila xog ogaala oo warkooda aad loogu kalsoon yahay waxay Maxamed dheere iyo Cabdulahi Yusuf kala saxiixdeen heshiis siyaasadeed cusub oo ku saleysan awood qeybsiga dowlada,waxaana loo balanqaaday in laga dhigayo Wasiirka Arrimaha gudaha ee Xukumadda Federalka Soomaaliya,taas oo uu si weyn u adeecay.

Maxamed dheere ayaa markii uu ka baxay kulankii uu la lahaa Cabdulahi Yusuf ,wuxuu hore ka shaaciyay inuu doonayo kursigiisii Xildhibaanimada ee uu ku wareejiyay Cali Maxamed Geeddi oo xilligii magacaabistiisa ay hortiil sharuud ku saleysan inuu noqdo Xildhibaan .maadama baarlamaanka ansixiyeen in Xukumadda aan laga qaadan Karin meel ka baxsan baarlamaanka.

Maxamed dheere ayaa khadka telefoonka kula hadlay Ra’isulwasaarre Geeddi ,wuxuuna ku wargeliyay isbedelkiisa siyaasadeed ee uu dib ugu doonayo kursigiisii uu ku wareejiyay Proff Geeddi ee Xildhibaannimadda.

Isbedel siyaasadeedka cusub ee Maxamed dheere oo ay noo xaqiijiyeen Xildhibaano la fadhiyay Ra’isulwasaarre Geeddi markii uu la hadlayay,ayaa noqday mid dareen cusub geliyay Cali Maxamed Geeddi oo hore isku haleeyn garab iyo gaashaan melleteri ugu qabay Maxamed Dheere oo ay isku heyb hoose yihiin.

Ra’isulwasaarre Geeddi ayaa la soo weriyay inuu magacaabay guddi deg dega oo Muqdisho iyo Baydhabo ku kala sugan si ay wax kaga qabtaan isbedelka cusub ee Maxamed dheere ka soo yeeray.

“Waa sax in Maxamed dheere la soo hadlay Geeddi oo ku yiri,waxaan doonayaa kursigeeygii baarlamaanka hasse yeeshee waxay ahayd mid xanaaq ku qasbay,hadana arinkaas waa la xaliyay oo waxaa la hadlay Iimaam Maxamud Iimaam Cumar “ayuu yiri Sarkaal sare oo ka tirsan Xafiiska Proff Geeddi.

Warar madaxbanaan ayaa sheegaya in heshiiska siyaasadeed ee ay wada gaareen Maxamed dheere iyo Cabdulahi Yusuf ay ka shaqeeyeen Itoobiyaanka,waxaana Magaalada Baydhabo aad looga hadal hayaa sida lama filaankaa ee Maxamed dheere isugu bedelay mar qura.

Maxamed Dheere ayaa habeen hore saq barkii wuxuu Baydhabo tagay isagoo wato gawaarida gaashaaman ee dagaalka ,wuxuuna socdaalkiisa dhaliyay qalqal iyo cabsi ay qaadeen Reer Baydhabo iyagoo aad uga cabsi qabay inuu la safan yahay Cali Geeddi oo duulaan ku yahay Madaxtooyadda Cabdulahi Yusuf.

Si kastaba ha ahaatee,warar hoose ayaa lagu helayaa inuu Cabdulahi Yusuf ka laabtay Proffeser Cali Jimcaale oo uu doonayo inuu ku bedelo Cali Geeddi,sababa badan oo isbiirsaday aawgeed,waxaana la qorsheeynayaa inuu Ra’isulwasaaraha ka magacaabo golaha baarlamaanka ,iyadoo aad loo hadal hayo inuusan ninkaas u dhalan beelweynta Hawiye una Beesha Isaaq ee Somaliland.

2 Comments »

RSS feed for comments on this post. TrackBack URI

  1. I would like to see a continuation of the topic

  2. waa website wanagsan sii wanaagsan ayaa uu sameeysay dadaal ayaan ku dhahi laha nin yahow oo si wanaagsan wax uu habey ………….
    yusuf cali
    xagroone@hotmail.com


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.
Entries and comments feeds.

%d bloggers like this: